PDEA idineklarang ‘drug cleared’ ang 3 bayan sa Cagayan Valley
MANILA, Philippines — Idineklarang drug-cleared ng Philippine Drug Enforcement Agency (PDEA) Region-02 ang tatlong bayan sa dalawang lalawigan ng Cagayan Valley.
Ito ay kinabibilangan ng mga bayan ng San Manuel at San Isidro sa lalawigan ng Isabela at ang bayan ng Santa Ana, sa Cagayan, kung saan matatagpuan ang pinakamaraming bilang ng mga Chinese.
Ayon sa PDEA, ang mga nasabing bayan ay pumasa sa mga parameters sa ilalim ng drug-clearing program ng gobyerno na binusisi naman sa isinagawang assessments ng mga miyembro ng Regional Oversight Committee on Barangay Drug Clearing Program sa pangunguna ng nasabing ahensya sa rehiyon.
Nitong Biyernes lamang ay idineklarang drug-cleared ang bayan ng Santa Ana sa Cagayan matapos makumpirma na wala na umanong droga sa mga barangay nito at alinsunod na rin sa mga probisyon na nakapaloob sa Dangerous Drugs Board (DDB).
Ang bayan ng Santa Ana sa lalawigan ng Cagayan matatagpuan ang pinakamaraming bilang ng mga negosyante at manggagawang Intsik sa rehiyon-2 na nagtratrabaho sa mga casino at iba pang online games.
Nauna rito ay magkasabay na idineklarang drug-cleared ang mga bayan ng San Manuel at San Isidro sa lalawigan naman ng Isabela batay na rin sa isinagawang assessment ng PDEA.
- Latest