Laman ng bagong kontrata ng Maynilad at Manila Water ibunyag
MANILA, Philippines — Ilathala ang buong nilalaman ng alok na bagong kontrata sa Maynilad at Manila Water.
Ito ang hiniling sa Malacañang ni Bagong Henerasyon partylist Rep. Bernadette Herrera at kailangan ng full transparency at disclosure sa naturang usapin.
Hindi na umano dapat pang maulit ang nangyari dati na nagdusa ang mga Pilipino dahil sa onerous water service contracts.
Hiniling din ni Herrera sa Philippine Competition Commission na mag-isyu ng anti-monopoly regulations para sa lahat ng public utilities, kabilang ang water districts at serbisyo ng kuryente sa buong bansa.
Dahil sa ganitong paraan ay mapipigilan umano ang mga nangyayari o anumang tangkang magkaroon ng monopolyo sa public utility sa labas ng Metro Manila.
- Latest