Korean drug trafficker, timbog
Shabu lab sa condo...
MANILA, Philippines — Naaresto ng mga otoridad ang isang Koreanong drug trafficker na nagmamantine ng shabu laboratory sa inuupahan nitong condominium unit sa Quezon City, kamakalawa ng hapon.
Kinilala ang nadakip na suspek na si Jungkil Kim, alyas “Joseph”, 57, nanunuluyan sa 3035 Tower 3 Grass Residence sa may Nueva Vizcaya Street kanto ng Misamis Street, Brgy. Sto. Cristo ng lungsod.
Sa ulat, alas-3:00 ng hapon nang salakayin ng NCRPO, Manila Police District, Quezon City Police District at NBI ang naturang condo unit makaraang magpositibo sa kanilang intelligence gathering na may minimintina na shabu laboratory.
Nang makakuha ang mga otoridad ng search warrant ay isinagawa ang pagsalakay at tanging si Kim ang naabutan sa naturang kuwarto.
Narekober ng mga otoridad sa loob ng condo unit ang 11 pakete na naglalaman ng puting ‘crystalline substance’ at isang pakete ng brown na substance na kanila pang biniberepika kung anong uri ng droga, mga bote ng hindi mabatid na liquid chemicals, limang bote ng acetone, iba’t ibang equipment, kalan, iba pang solidong substance at mga drug paraphernalia.
- Latest