Barangay chairman tinodas

MANILA, Philippines — Dead on the spot ang isang 52-anyos na barangay chairman habang sugatan ang isang lalaki matapos pagbabarilin ng dalawang lalaki kahapon ng umaga sa harap ng isang tindahan sa Brgy. Malipampang, San Ildefonso, Bulacan.

Ang nasawi ay kinilalang si Felimon Lazaro, chairman ng nasabing barangay habang sugatan nang madaplisan ng bala sa balikat si Richard del Rosario, ng Brgy. Palapala.

Sa ulat, alas-7:00 ng umaga ay may binibili sa tindahan ang biktima nang bigla na lamang lumapit ang dalawang lalaki na sakay ng motorsiklo at pagbabarilin si Lazaro na kung saan ay nadaplisan ng ligaw na bala si Del Rosario.

Patuloy ang imbestigasyon ng pulisya sa motibo ng pamamaslang sa biktima.