Ex-Sen. ‘Nene’ Pimentel pumanaw na

MANILA, Philippines — Nagpaabot ng pakikiramay ang mga miyembro ng 18th Congress, sa pangunguna ni House Speaker Alan Peter Cayetano sa pagpanaw ni dating Senate President Aquilino ‘Nene’ Pimentel, Jr..

Ayon kay Cayetano, binibigyang-pagkilala ng Kongreso ang ’di mapapantayang naging pagseserbisyo ni Pimentel sa bansa.

“The 18th Congress pays tribute to former Senate President Pimentel. Thank you for service to the Nation,” aniya. Dahil nakatrabaho niya sa Senado, inalala at pinuri rin naman ng dating senador ang propesyonalismo at commitment ni Pimentel sa tungkulin sa bansa.

Aniya, ang yumaong senador ay isang mabuting ehemplo, hindi lamang para sa kanya, kundi maging sa lahat ng public servant sa bansa.