Mister na naghahanap sa lover, binaril ng pinagtanungan
MANILA, Philippines — Dalawang tama ng bala sa ulo at likod ang ikinasawi ng isang 29- anyos na helper nang barilin siya ng isang lalaki na pinagtanungan niya kung nasaan ang kanyang live-in partner naganap kamakalawa sa Gate 46, Parola, Compound, Binondo, Maynila.
Ang nasawi ay kinilalang si Journey Gomez, ng no. 916 Delpan St., Tondo, Maynila. Habang tumakas naman ang suspek na kinilalang si Lexter Bitito.
Sa ulat, bago naganap ang insidente sa Gate 46, Parola Compound, dakong alas-3:00 ng hapon ay hinahanap ng biktima ang kanyang ka-live in na si Raquel Almedilia, 46.
Nakita ng biktima ang suspek sa Gate 46 at tinanong kung nakita si Almedilia, dahil sa dudang ito ang nagtatago sa ka-live in.
Napikon ang suspek hanggang sa magtalo sila ng biktima at dito ay bumunot ng baril ang una at pinagbabaril ang huli na agad nitong ikinasawi.
- Latest