3 contender sa PNP chief, inihayag
MANILA, Philippines — Inihayag kahapon ni Sen. Bong Go na isinumite na kay Pangulong Duterte ang pangalan ng tatlong general na posibleng pumalit sa magreretirong si PNP Chief Gen. Oscar Albayalde.
Ang tatlo na ikinokonsidera umano ng Pangulo ay sina P/Lt. Gen. Camilo Cascolan, P/Lt. Gen. Archie Gamboa at P/Maj. Gen. Guillermo Eleazar.
Sinabi pa ni Go na posibleng mangyari ang pagpapalit ng PNP chief sa Oktubre 29 bago ang ASEAN Summit.
Nakatakdang magretiro si Albayalde sa Nobyembre 8.
Kapwa classmate ni outgoing PNP Chief Gen. Albayalde sa PMA Sinagtala class of 1986 sina Cascolan at Gamboa habang si Eleazar naman ay miyembro ng PMA Hinirang Class of 1987.
Sa kasalukuyan ay deputy chief for operations si Cascolan, deputy chief for administration naman si Gamboa habang si Eleazar ay chief directorial staff sa isinagawang reshuffle ngayon sa PNP dahil sa pagreretiro ni Lt. Gen. Fernando Mendez Jr. sa October 12.
Pumalit naman bilang NCRPO director si B/Gen. Debold Sinas na Region 7 director.
- Latest