2 sex den ni-raid: 2 Koreano, tiklo
Kustomer nahawahan ng STD...
MANILA, Philippines — Dalawang Koreano na nagpapatakbo ng isang prostitution den ang naaresto sa magkahiwalay na pagsalakay na kung saan ay 10 babae ang nasagip sa Angeles City, Pampanga, kahapon.
Kinilala ang dalawang suspek na sina Park Kicheri; at Jeung Wook Pyo, tubong Gangnam, South Korea.
Sa ulat, nilusob nang pinagsanib na puwersa ng Regional Anti-Trafficking in Persons Task Group, Regional Anti-Cybercrime Office 3 at Police Regional Mobile Force Battalion ang mga inuupahang bahay ng mga suspek sa #68 New York Street, Villasol Subdivision, Brgy. Anonas at No. 350 A Paulette Street,Josefaville Subdivision, Brgy. Malabanias; pawang ng lungsod.
Nabatid na ang dalawang bahay ay ginawang massage parlors ng mga suspek na wala namang business permit kung saan nakikipagtalik ang mga babae kapalit ng kabayaran.
Nabisto ang sex trade ng dalawang Koreano matapos magreklamo ang ilang naging parokyanong nahawaan sila ng sexually transmitted disease mula sa mga babae.
Dahil dito, isinagawa ng otoridad ang raid matapos magpalabas ng search warrant si RTC Judge Irene Zenaida Buan.
Nasagip ang 10 kababaihang ni-recruit ng mga suspek bilang massage attendant pero may extra service o sex sa kanilang mga kustomer na kalalakihan.
- Latest