P5.3-M floating cocaine nalambat sa Basilan

MANILA, Philippines — Nalambat ng mga otoridad ang nasa P5.3-M halaga ng cocaine sa karagatan ng bayan ng Mohamad Ajul, Basilan, kamakalawa.

Sa report ni Bangsa­moro Autonomous Region for Muslim Min­danao (BARMM) Police Brig. Gen. Marni Marcos, dakong alas-8:00 ng umaga nang madiskubre ng isang mangingisda ang nasabing mga cocaine na naglulutangan sa karagatan sa bahagi ng Brgy. Langil, Mohamad Ajul ng lalawigan.

Itinurnover na ng mga operatiba ng pulisya at militar ang narekober na isang brick ng cocaine sa kustodya ng Philippine Drug Enforcement Agency (PDEA).