Bading na nagsaboy ng asido sa karibal na babae, nadakip

MANILA, Philippines — Isang 30-anyos na bading na umano ay nagsaboy ng asido sa mata ng babae na kanyang karibal sa Pasay City ang naaresto ng mga otoridad sa pursuit operation sa Brgy. Sto. Cristo, Tabaco City, Albay, kahapon.

Ang suspek ay kinilalang si Ramon Montallana Collada, residente ng nasabing barangay.

Sa ulat, dakong alas-12:15 ng tanghali nang sa­lakayin ng mga pulis ang suspek sa kanyang bahay makaraan ang ilang araw na pagtatago.

Si Collada, ang itinuturo ng isang babaeng nabulag dahil sa pagsaboy ng asido sa kanyang mata sa Pasay City noong Hulyo 15 habang sila ay nag-uusap nito dahil masama ang loob matapos iwanan ng dating nobyo at ipinalit ang biktima.