WPS at Malampaya pag-aari ng Pinas - Duterte

MANILA, Philippines — “Ang West Philippine Sea (WPS) at Malampaya natural gas reservoir ay pag-aari ng mga Filipino.”

Ito ang binigyang diin ni Pangulong Rodrigo sa kanyang mensahe sa ika-72 anibersaryo ng Phi-lippine Air Force (PAF) kamakalawa ng gabi.

 “I acknowledge your unwavering commitment to the sworn duty to protect our territorial lines of defense, through aerial reconnaissance and maritime patrol missions in the West Philippine Sea and of course, which is really ours, the Philippine rights,” wika pa ni Pa-ngulong Duterte sa mga sundalo ng PAF.

“And of course, your efforts in securing the Malampaya gas plant off the coast of Palawan which is ours,” wika pa ng Pangulo.

Matatagpuan ang Malampaya sa 80 kilometers northwest ng Palawan sa West Philippine Sea (WPS) na isang joint venture ng Shell, Chevron at Philippine National Oil Company (PNOC) mula 2001-2014 kung saan ay kumita ang gobyerno ng P315 bilyon mula sa royalties.

Ginawa ng Pangulo ang paninigurong ito sa gitna ng mga batikos sa kanya dahil sa pagpayag nitong mangisda ang mga Tsino sa Exclusive Economic Zone (EEZ) matapos ang verbal mutual agreement nila ni Chinese President Xi Jinping.

Pinaalalahanan umano ang Pangulo ni President Xi na baka lumikha ng “gulo” kapag sinimulan ng Pilipinas ang oil drill sa pinagtatalunang teritoryo sa South China Sea.

Sa naging desisyon naman ng UN tribunal noong 2016 ay pinaboran nito ang Pilipinas na may sovereign rights sa 200-mile EEZ sa offshore oil and gas fields sa WPS kaysa sa China.

Ipinagtanggol naman ng Malacañang ang na-ging hakbang ng Pangulo mula sa kanyang mga kritiko at sinabing gumamit lamang ng “measured tact” ito upang protektahan ang Philippine sovereignty.