MRT tumirik ulit: 850 pasahero pinababa

MANILA, Philippines — Muling naperhuwis­yo ang 850 pasahero ng Metro Rail Transit Line 3 (MRT-3) nang pababain sila makaraang tumirik ang sinasakyan nilang tren matapos na magkaroon ng ‘electrical failure’ ang motor nito sa area ng Mandaluyong City kamakalawa hapon.

Ayon sa Department of Transportation (DOTr) dakong alas-5:21 ng hapon nang pababain ng tren ang mga pasahero sa northbound lane ng Boni Station.

Umabot ng 7-minuto bago naisakay sa susunod na tren ang mga pinababang pasahero na pawang patungo ng Norh Avenue, Quezon City.

Ang nagkaaberyang train ay kaagad namang dinala sa train depot upang isailalim sa preventive maintenance at replacement ng mga nasirang electrical components upang muling magamit.