Mayor arestado sa armas at bala
MANILA, Philippines — Inaresto ng mga otoridad si Antipas Mayor Egidio “Ekis” Cadungon matapos na makuhanan ng mga armas sa isinagawang raid ng pulisya sa kanyang bahay sa Poblacion, Antipas, North Cotabato, Biyernes ng umaga.
Sa ulat na nakuha kay Antipas Police Chief Captain Bernard Abarquez, hinalughog ng pulisya ang bahay ng alkalde sa bisa ng search warrant, alas-6:00 ng umaga. Ito ay may kinalaman sa paglabag ng RA 10591 o Comprehensive Law on Firearms and Ammunition.
Narekober sa bahay ng alkalde ang isang bala ng 9mm pistol at hinihinalaang caliber .38 revolver.
Samantala, iginiit ni Mayor Cadungon na “politically motivated” ang nasabing hakbang ng mga pulis dahil wala namang mga malaking ebidensiya na nakuha sa bahay nito. Aniya, posibleng gawa ng pulitika upang hindi makapangampanya ng pagka-alkalde sa kanyang bayan.
Kahapon, nakapaglagak ng piyansa ang alkalde para sa kanyang pansamantalang paglaya. Joy Cantos
- Latest
