Joy Belmonte kakalingain ang LGBT community
MANILA, Philippines — Tiniyak ni QC Vice Mayor Joy Belmonte na patuloy na kakalingain at poprotektahan ng Quezon City ang kapakanan at karapatan ng mga miyembro ng Lesbian, Gay, Bisexual, Transgender (LGBT) Community sa lungsod.
Ito ay sinabi ni Belmonte nang ihayag ang kanyang plataporma na hangaring gawing isang millennial city ang QC na angkop sa diversity, innovation, at mga progresibong kaalaman na eengganyo sa kabataan na manirahan sa lunsod na may potensiyal sa pagbabago at pag-unlad ng pamayanan.
Anya, ang QC ang unang lunsod na nagpasa ng ordinansa na nangangalaga sa karapatan ng mga miyembro ng LGBT community na kilala bilang QC Gender-Fair Ordinance, ang batas na nag-aalis sa anumang uri ng diskriminasyon sa sinumang tao anuman ang kanyang kasarian.
Sa ilalim ng QC Gender-Fair Ordinance, parurusahan ang sinumang hahadlang na mabigyan ng trabaho, makapag-aral, makatanggap ng anumang serbisyo at akomodasyon ang LGBT members.
May kulong ng 2 buwan hanggang isang taon at multang P1,000 hanggang P5,000 ang sinumang lalabag sa naturang ordinansa.
- Latest