Bahay ng dating piskal inakyat, P4-M natangay
MANILA, Philippines — Umaabot sa P4 milyong halaga ng mga alahas at kagamitan ang natangay ng mga magnanakaw matapos na akyatin at pasukin ang bahay ng isang dating piskal, kahapon ng umaga sa Quezon City.
Kinilala ang biktima na si George Florendo Cabanilla, 65, ng Brgy. Bagong Pag-asa ng lungsod.
Sa salaysay sa pulisya ng kasambahay ng piskal na si Evelyn Evarista, dakong alas-5:20 ng umaga ay magsisimula na sana siyang maglinis sa buong kabahayan nang mapansin nito na parang dinaanan ng bagyo ang sala at bukas ang bintana sa kusina.
Nawawala ang (1) Samsung tablet na nagkakahalaga ng P15,000; isang Celine bag, kulay asul na Balenciaga bag na naglalaman ng mga importanteng dokumento, passport, mga mamahaling alahas na nagkakalahalaga ng P3.8 milyon, at P150,000 cash.
- Latest