Pinay sa Japan patay sa pananaksak
MANILA, Philippines — Isang 48-anyos na Pinay ang nasawi matapos pagsasaksakin sa Japan nitong Huwebes ng gabi.
Ito ang report na nakarating kahapon sa tanggapan ng Department of Foreign Affairs (DFA).
Nagpahatid naman ng pakikiramay ang pamunuan ng DFA sa pamilya ng biktima na hindi muna binanggit ang pangalan nito.
Ayon sa tagapagsalita ng DFA na si Asst. Secretary Elmer Cato, ini-report ng embahada ng Pilipinas sa Japan, na binawian ng buhay ang Pinay na biktima habang nilalapatan ito ng lunas sa isang ospital sa Hamamatsu matapos itong magtamo ng ilang malalalim na saksak sa ibat-ibang bahagi ng katawan.
Nasa kustodiya naman ng Japanese police ang suspek na hindi muna pinangalanan.
Tiniyak sa pamilya ng biktima ni Ambassador to Japan Jose C. Laurel V na gagawain nila ang lahat upang makamit ng biktima ang hustisya.
- Latest