Ex-chairman sa Maynila inutas sa harap ng anak
MANILA, Philippines — Pinasok at pinagbabaril sa loob ng kanyang bahay ang isang dating barangay chairman sa Maynila sa harap ng kanyang anak kahapon ng madaling araw sa Pandacan, Maynila.
Ang biktima na namatay noon din dahil sa mga tama ng bala sa iba’t ibang bahagi ng katawan ay kinilalang si Buanito Buan, 57, biyudo, ng Ilang-Ilang St., Pandacan at dating chairman ng Brgy. 849.
Batay sa ulat, dakong alas-2:15 ng madaling araw ay natutulog si Buan, kasama ang kanyang mga anak ng pasukin sila ng dalawang lalaki na pawang naka-helmet.
Isa sa mga suspek na may hawak ng flashlight ay hinawi ang anak ni Buan na si Najhila Eylie bago siya pinagbabaril na agad nitong ikinamatay.
Nakita sa CCTV footages ang pagdating ng limang lalaki at tinanong kung saan ang bahay ng biktima bago ito pinasok ng dalawa at nang makita ang target ay pinagbabaril.
Ayon sa anak ng biktima na gumagamit ng iligal na droga ang ama matapos na hikayatin ng dati niyang kinakasama.Tatlong basyo ng kalibre 45 baril ang narekober sa silid ng biktima.
- Latest
