P9 jeepney minimum fare simula ngayon

MANILA, Philippines — Simula ngayong araw ay magsisimula nang magbayad ang mga mananakay sa pampasaherong jeep sa Metro Manila, Central Luzon at Southern Tagalog Region ng P9 bilang minimum fare matapos na ito ay aprubahan ng Land Transportation Franchising and Regulatory Board (LTFRB) ng karagdagang piso sa kasalukuyang P8. Pinirmahan ng LTFRB ang kautusan na pinapayagan ang mga public utility jeepneys na magdagdag ng piso para sa unang apat na kilometro.