Chinese tourist kinokotongan sa airport
MANILA, Philippines - Maghahanap at maglalagay ng mga Chinese speaking individuals na alalay bilang interpreters sa mga immigration officers upang maiwasan ang anumang pangingikil o pangongotong sa mga nasabing banyaga.
Ayon kay Bureau of Immigration Jaime Morente, inaprubahan na niya ang rekomendasyon ng BI port operations division (POD) na kumuha ng 12 Chinese bilang interpreters habang isinasagawa ang primary at secondary inspection sa mga dayuhang Chinese.
Sa pamamagitan aniya ng mga interpreters, mas magiging madali ang gagawing assessment sa mga Chinese bago papasukin sa bansa.
Paglilinaw ni Morente, ang mga interpreters ay contractual basis at itatalaga sa tatlong terminals sa NAIA.
Matagal na aniya ang recruitment ng mga interpreters dahil na rin sa hirap ng komunikasyon sa mga Intsik na nagreresulta naman ng korapsiyon dahil karamihan naman umano sa mga Chinese ay hindi marunong magsalita ng English.
Wala din naman umanong mga interpreters ang mga airline companies.
Marami umano silang natatanggap na reklamo mula sa mga Chinese passengers na hirap na maintindihan ang mga immigration officers.
- Latest
