35 local execs sangkot sa droga-Digong
MANILA, Philippines – Sa pakikipagpulong kamakalawa ni President-elect Rodrigo Duterte sa mga kongresista ay ibinunyag nito ang pangalan ng 35 local executives na umano’y sangkot sa illegal drug networks sa bansa na plano nitong sugpuin.
Ayon kay Quezon Rep. Danilo Suarez na pinangalanan ni Duterte ang nasabing 35 local executives at hihilingin ni Duterte na bakantehin na agad ang kanilang puwesto.
“Parang binibigyan nya ng leeway ngayon na confess. Siguro lighter sentence dahil nag-confess ka na pero he is not saying clemency or pardon,” wika ni Suarez.
Ayaw naman sabihin ni Suarez ang pangalan ng 35 local leaders na umano ay mayors o governors.
Aniya, inihayag din sa kanila ni Duterte ang plano nitong linisin ang hanay ng Philippine National Police lalo ang mga sangkot sa illegal drug industry at hihilingin nito ang suporta ng AFP para tanggalin ang mga men in uniform na sangkot sa droga.
Unang nang binalaan ni Duterte ang 3 heneral ng PNP na umano ay sangkot sa droga na mag-resign na lamang at huwag na siyang hintayin na maupo bilang pangulo upang makaiwas na sila sa ‘kahihiyan’ na kanyang gagawin.
- Latest