4 LP solons tumalon sa PDP-Laban
MANILA, Philippines - Tumalon na nang tuluyan ang iba pang Liberal Party (LP) Congressmen sa Coalition for Change ng Duterte administration.
Ang mga bagong batch ng kilalang LP solons na pumirma sa membership form ng PDP-Laban ay sina Reps. Rey Umali (Oriental Mindoro), Lucy Torres-Gomez (Ormoc City), Gerry Treñas (Ilo-Ilo), at Cesar Sarmiento (Catanduanes).
Nanumpa ang mga ito sa harap ni prospective 17th Congress House Speaker Pantaleon Alvarez.
Nandoon din sa pagtitipon na ipinakilala ni Alvarez na kanyang bagong House Majority Leader na si Ilocos Norte Rep. Rodolfo Fariñas.
Ayon naman kay Umali, nagpasya silang mga taga-LP na suportahan ang mga adbokasiya at legislative measures na isusulong ng Duterte administration sa Kongreso.
Idinagdag pa ni Umali, na political reality na ang lipatan ng partido tuwing may bagong administrasyon, kaya huwag na raw ikagulat o kondenahin ang hakbang ng mga taga-Liberal.
- Latest
