60-anyos inutas ng mag-ama
MANILA, Philippines – Kamatayan ang sinapit ng 60-anyos na lolo matapos itong pagtulungang tagain ng mag-ama at isa pa sa Barangay Matictic, bayan ng Norzagaray, Bulacan kahapon ng umaga.
Kinilala ng pulisya ang biktima na si Rolando Saplala ng Sitio Malaganit sa nabanggit na barangay.
Samantala, nasakote naman ng pulisya ang isa sa tatlong suspek na si Nestor Baldoza, 50, habang tugis ang anak nitong si Jerson Baldoza at isang di-kilalang lalaki.
Sa imbestigasyon ni SPO2 Dennis Diaz, pauwi na ang biktima nang harangin at komprontahin ng mga suspek kaugnay sa isinampang kaso sa kanya kung saan nauwi sa mainitang pagtatalo.
Sa kalagitnaan ng pagtatalo ay pinagtulungang pagtatagain ng mga suspek ang biktima hanggang sa mapatay.
Nahaharap sa kasong murder si Nestor habang pinaghahanap naman ang dalawa pang kasamahan nito.
- Latest
