P.2-M limas sa kooperatiba

MANILA, Philippines – Aabot sa P.2 mil­yong halaga ng cash at ari-arian ang natangay ng robbery gang matapos pasukin ang sub-office ng South Cotabato Electric Cooperative (Socoteco II) sa bayan ng Tupi, South Cotabato, kahapon kung saan isinabay sa kapistahan.

Sa police report na isinumit kay P/Senior Supt. Jose Arnaldo Briones Jr., dalawang lalaki na lulan ng motorsiklo ang pumasok at nangholdap sa nabanggit na kooperatiba.

Dinisarmahan ang lady guard kaya hindi nakapalag ang mga kawani.

Tinangay ng mga kawatan ang mini-vault na naglalaman ng koleksyon at cellphone.

Nakunan naman ng closed-circuit television camera (CCTV) ang mga suspek na isinailalim na sa masusing imbestigasyon.