Grade 1 pupil ginahasa sa sagingan
MANILA, Philippines - Isang 7-anyos na eleÂmentary pupil na batang babae ang ginahasa ng isang 19-anyos na lalaki nang harangin ito habang naglalakad sa sagingan pauwi sa kanilang bahay sa liblib na lugar sa bayan ng Liloy, Zamboanga del Norte kamakalawa.
Itinago ang biktima sa pangalang Melissa na sinamahan ng kaniyang amang si Ruel Caruana sa himpilan ng pulisya para magsampa ng reklamo laban sa suspek na si Raven Rusiana.
Sa ulat ng Police Regional Office (PRO) 9, dakong alas-12:30 ng tanghali ay kasalukuyang naglalakad ang biktima sa sagingan ng Brgy. Baybay, Liloy pauwi sa kanilang bahay nang harangin at gahasain ng suspek.
Matapos ang panghahalay ay binantaan ng suspek ang biktima na huwag magsusumbong sa kaniyang mga magulang at kung hindi ay papatayin ito.
Sa pag-uwi ng bata ay napansin ng kaniyang ama na halos nagkagulagulanit ang uniporme at paika-ika ito na hirap lumakad.
Inusisa ito ng ama hanggang sa ipagtapat ang pangyayari na kung saan ay naaresto ang suspek sa isang follow-up operation.
- Latest
