Reporter sinalisihan ng kapitbahay
MANILA, Philippines - Natangayan ng mamahaling laptop ang isang radio reporter matapos na pasukin ang kanyang inuupahang kuwarto ng isang kapitbahay sa Quezon City.
Ang biktima ay kinilaÂlang si Allan Gatus, reporter ng GMA radio DZBB at nanunuluyan sa Brgy. Pinyahan. Habang ang suspek ay si Don Alfeo Jose Cascolan, 18.
Sa salaysay ni Gatus na bago siya umalis ng bahay ay nakita pa nito ang suspek na malapit sa kanyang kuwarto ganap na alas-2:00 ng hapon.
Nabatid na ang suspek ay siyang umuukopa ng isang kama kasama ang ilang tenant. Habang si Gatus naman ay umuukupa ng hiwalay na kuwarto.
Bago umalis si Gatus dakong alas-2:30 ng hapon ay ikinandado niya ang pinto ng kuwarto, para dumalo sa isang pagsusulit sa Camp Karingal at nang bumalik pasado alas-4:00 ng hapon ay napuna na ang pintuan ng kanyang kuwarto ay puwersahang nakabukas at nadiskubre na nawawala kanyang MacBook Air na nagkakahalaga ng P60,000.
- Latest
