Batangas ambush: 2 parak todas
MANILA, Philippines - Napatay sa isang shootout ang tatlong katao kabilang ang dalawang parak nang ambusin ng 6 armadong kalaÂlakihan na hinihinalang miÂyembro ng gun for hire gang kamakalawa ng hapon sa Batangas City, Batangas.
Kinilala ang mga nasawing pulis na sina SPO4 Fidel MacataÂngay, 45, nakatalaga sa Intelligence Section ng Batangas Police at PO2 Melvin Talabis, AWOL (Absence Without Official Leave) at ang suspek na si Avelino dela Paz, 46, tubong Javier, Leyte at naninirahan sa Caloocan City na natukoy ng pulisya sa pamamagitan ng ID sa pitaka nito.
Sa ulat, bandang alas- 5:50 ng hapon ay lulan sina Macatangay at TaÂlabis ng kulay dalandan na Crosswind Sportivo nang paulanan ng bala ng anim kalalakihan sa bahagi ng highway ng Brgy. Sta Rita ng lungsod.
Sa kabila ng sugatan ay nagawang gumanti ng putok ang dalawang parak na ikinasawi ng suspek na si De Paz na natagpuan ang bangkay may 30 metro ang layo sa niratrat na sasakyan ng mga parak.
Narekober ng mga nagrespondeng otoridad sa crime scene ang 44 basyo ng bala ng M16 rifle, 11 basyo ng cal. 45 pistol at isa pang live ammunition ng cal. 45 pistol.
Patuloy ang masusing imbestigasyon ng mga otoridad sa motibo ng pananambang sa dalawang pulis.
- Latest
