Tandem na holdaper dedo sa barilan
MANILA, Philippines - Dalawang holdaper na sakay ng isang motorsiklo ang napatay nang makipagbarilan sa mga pulis sa checkpoint kamakalawa sa national highway, Purok V, Brgy. Bangonay, Jabonga, Agusan del Norte.
Nakilala ang mga nasawing suspek na sina Jeffrey Beluan, 27 at Joel Cabachete, 32; pawang ng Brgy. Libas ng bayang.
Sa ulat ng pulisya, bago naganap ang barilan bandang alas-7:05 ng gabi ay nakatanggap ng tawag sa telepono ang Jabonga Police mula kay Sr. Inspector Allan Serquina, hepe ng Kitcharao Police na humihiÂling na harangin sa checkpoint ang dalawang tumakas na suspek na nasangkot sa nakawan sa kanilang bayan.
Eksakto namang dumaan sa checkpoint na inilatag ng Jabonga Police sa kahabaan ng highway ng Brgy. Bangonay, Jabonga ang mga suspek na magkaangkas sa kulay asul at puting Honda XRM motorcycle.
Nang akmang sisitahin ang mga ito ng mga pulis ay tinangka pang maghagis ng granada.
Dito na nagkaroon ng ilang minutong habulan at palitan ng putok na nagresulta sa pagkasawi ng dalawang suspek.
- Latest
