Ginang na dadalaw sa kulungan tiklo… Shabu sa ari nabisto
MANILA, Philippines - Hindi nakalusot ang pagtatago ng shabu sa ari ng isang 42-anyos na ginang na balak ipuslit sa loob ng Pasay City Jail makaraang makapkap ng babaeng jail guard kahapon ng tanghali.
Agad na inaresto at dinala sa katabing Pasay City Police-Criminal Investigation and Detective Management Section ang suspek na si Rena Ariola, ng no. 126 P. Gomez St., Pamplona, Las Piñas City.
Sa ulat, dakong ala-1:47 ng hapon nang tangkain ni Ariola na pumasok sa Pasay City Jail upang dalawin ang bilanggong si Hero Abdulah, nahararap sa kasong pagtutulak ng iligal na droga.
Pinapirma si Ariola sa “waiver” nina Jail Officer 2 Edna Iglesia, JO1s Lawela Pinera at Melanie Doble para makapkapan ang buong katawan.
Napuna na umano ng mga babaing jail guard ang pamumutla at matinding kaba ni Ariola habang masusi siyang kinakapkapan kaya’t iniutos sa kanya na ibaba ng hanggang tuhod ang suot niyang pants at panty.
Nang kapkapan ang kanyang maselang parte ng katawan ay dito na nadiskubre ang maliit na plastic sachet na binalot ng masking tape na bahagyang isinuksok sa loob ng ari ng suspek.
- Latest
