Thunderbelles nasilaw sa Capital1 Solar Spikers
MANILA, PHILIPPINES — Nagkuwintas si Belle Belen ng triple-double na 29 points, 16 excellent digs at 15 receptions sa 20-25, 25-17, 22-25, 25-20, 15-8 paggiya sa Capital1 Solar Energy laban sa ZUS Coffee sa 2026 Premier Volleyball League (PVL) All-Filipino Conference Siklab leg kahapon sa MOA Arena sa Pasay City.
Ito ang ikalawang sunod na five-set win ng Solar Spikers matapos takasan ang Akari Chargers para sa 2-1 baraha.
“I’m proud of them because it’s not easy. It’s another comeback. We need to show up. But we are back here, and always good when you come here because you win. So it’s okay,” ani Brazilian coach Jorge Souza de Brito sa kanyang tropa.
Nag-ambag sina Vanie Gandler at Erika Santos ng tig-12 markers, habag may 23 excellent digs si rookie libero Detdet Pepito.
Laglag ang Thunderbelles sa ikalawang dikit na kamalasan.
Pumalo si Zam Nolasco ng 15 points at nagsumite si Jolina Del Cruz ng 14 points at 15 receptions para sa ZUS Coffee na na?akuha rin kina Jovelyn Gonzaga at AC Miner ng tig-11 markers.
Nakatabla ang Capital1 sa fourth set para makahirit ng fifth set.
Mula sa dikitang 6-6 ay nagpakawala ang Solar Spikers ng isang 7-1 atake para agawin ang malaking 13-7 bentahe.
Mula rito ay hindi na napalapit ang Thunderbelles.
“I was talking to coach after the game, and I was saying that it’s good that our team is being exposed to these high-pressure moments this early on, especially this early on in our journey together as this core,” wika ni Gandler.
Idinagdag ng 25-anyos na spiker na natuto na sila sa una nilang pagkatalo sa Choco Mucho.
“We learned from our first game, but we know that coming into the next games is really going to be very challenging,” ani Gandler.
Sa ikalawang laro, wi?nalis ng Chargers ang PLDT High Speed Hitters, 25-18, 25-19, 25-22, para sa kanilang unang panalo matapos ang magkasunod na kamalasan.
- Latest
