Hayes itinakas ang Pistons sa Mavs sa OT
DETROIT — Iniskor ni Killian Hayes ang walo sa kanyang 22 points sa overtime para banderahan ang Pistons sa 131-125 pagpapatumba sa Dallas Mavericks.
Ang dunk ni Dallas’ big man Christian Wood ang nagtabla sa kanila sa 125-125 sa huling 1:35 minuto sa extra period kasunod ang back-to-back 3-pointers ni Hayes para sa six-point lead ng Detroit sa natitirang 41.6 segundo para selyuhan ang kanilang panalo.
“They were switching me into a one-on-one matchup, so I knew I could get a shot off,” ani Hayes. “The first one felt good and the second one felt even better.”
Humataw si Bojan Bogdanovic ng 30 points para sa 6-18 record ng Pistons habang nagtala si Marvin Bagley III ng 19 points at 13 rebounds.
Tumipa si Luka Doncic ng 35 points at 10 assists kasunod ang 26 markers ni Tim Hardaway Jr. sa panig ng Mavericks (10-11).
Ang jumper ni Hayes ang nagbigay sa Pistons ng 113-104 abante sa ilalim ng tatlong minuto sa regulation.
Ngunit hindi bumitaw ang Mavericks.
Nagsalpak si Doncic ng triple para idikit ang Dallas sa 115-117 habang ang layup ni Reggie Bullock ang nagtabla sa kanila sa 117-117 sa nalalabing 22.6 segundo.
Mintis ang tangkang tres ni Detroit center Isaiah Stewart patungo sa overtime.
- Latest
