76ers nangangamoy sweep sa Raptors
TORONTO — Isinalpak ni star center Joel Embiid ang isang three-pointer sa natitirang 0.8 segundo sa overtime para ilusot ang Philadelphia 76ers laban sa Raptors, 104-101, sa Game Three ng kanilang Eastern Conference first-round series.
Tumapos si Embiid na may 33 points at 13 rebounds para sa 3-0 lead ng Philadelphia sa kanilang serye ng Toronto.
Kinailangan ng 76ers, nakahugot kay James Harden ng 19 points at 10 assists, na bumangon mula sa 17-point deficit sa Raptors para makapuwersa ng extra period, 95-95.
Matapos ang triple ni OG Anunoby na nagbigay sa Toronto ng 100-99 abante ay tumirada si Embiid para sa 101-100 bentahe ng Philadelphia sa huling 2:36 ng overtime.
Ang split ni Anunoby sa nalalabing 26 segundo ang nagtabla sa Raptors sa 101-101 kasunod ang game-winning triple ni Embiid para sa 76ers.
Sa Boston, humugot si Jaylen Brown ng 10 sa kanyang 22 points sa fourth quarter para akayin ang Celtics sa 114-107 pagdaig sa Brooklyn Nets at kunin ang 2-0 abante sa kanilang Eastern Conference first-round matchup.
Nag-ambag si Jayson Tatum ng 19 points para sa Boston at may 16 at 15 markers sina Al Horford at Daniel Theis, ayon sa pagkakasunod.
Sa Milwaukee, humataw si DeMar DeRozan ng career playoff-high na 41 points sa paggiya sa Chicago Bulls sa 114-110 pagresbak sa nagdedepensang Bucks at itabla sa 1-1 ang kanilang Eastern Conference first-round series.
- Latest
