Roach pabor sa Magsayo-Russell rematch

MANILA, Philippines — Kung si Hall of Famer Freddie Roach ang tatanungin, mas gugustuhin nitong makaharap ni reigning World Bxoing Council (WBC) featherweight champion Mark Magsayo si Gary Russell Jr. sa isang rematch.

Nais ni Roach na bigyan ng pagkakataon si Russell na muling ilabas ang kanyang tapang sa oras na gumaling na ito sa kanyang shoulder injury.

“I would never turn down a (Magsayo-Russell) rematch,” ani Roach sa panayam ng Boxing Scene.

Nagtamo si Russell ng injury sa laban nito kay Magsayo na napagwagian ng Pinoy pug noong Linggo sa Atlantic City, New Jersey.

Posibleng sumailalim sa operasyon si Russell at mangangailangan ito ng ilang buwang pahinga bago muling sumalang.

“But the thing is, we would do it if he was more active of a fighter and so forth, and we could count on it happening not in two years, sooner,” ani Roach.

Malaking dagok din kay Russell ang dalawang taon nitong pagkakatengga dahilan upang manga-lawang ito sa laban.

“He has taken two years off twice now and I think down time is the worst thing in the world for fighters. And it showed in his performance [Saturday night] – it really did. ,” ani Roach.