Shiga naunsiyami kay Kiefer Ravena

MANILA, Philippines — Kanselado muna ang opisyal na pagpapakilala ng Shiga Lakestars kay Kiefer Ravena sa pamamagitan ng press conference dahil sa problema nito sa kanyang kontrata sa NLEX at sa PBA, ayon sa anunsyo ng Japan B. League ball club kahapon.

“On June 2, we had an official announcement of signing Kiefer Ravena for the 2021-2022 Season. However, after the announcement, it was reported in the Philippines that there are issues in his current contract,” anang Shiga sa presser na naka-iskedyul sana ngayong araw.

“We have decided to postpone the press conference until a more appropriate time, as holding a press conference with Ravena and us at this time may add more confusion of the situation.”

Gayunpaman ay tila desidido ang Shiga kay Ravena na nais pa ring makipag-usap at maayos ang gusot. “We will continue discussions to resolve this issues,” dagdag ng Lakestars.

Inanunsyo ng Shiga noong nakaraang linggo ang paglalaro sa kanila ni Ravena sa ilalim ng Asian Player Quota program su-balit idiniin ng PBA na may umiiral pa siyang kontrata sa NLEX at sa liga sa ila-lim ng Uniform Players Contract (UPC) na dapat niyang igalang at sundin.

Ang umiiral ni kontrata ni Ravena ay tatlong taon matapos pumirma sa NLEX ng maximum extension deal noong Set-yembre bago ang 2020 Philippine Cup sa Clark bubble sa Pampanga.

 “The PBA Board has come out with its decision that follows specifically a philosophy on the importance of a contract. The Board has decided that Kiefer has to honor his contract with NLEX and with the PBA,” ani PBA Chairman Ricky Vargas matapos ang pagpupulong ng Board of Governors kamakalawa.

Ang naturang desisyon ng PBA at mga naging batayan nito ay ipapabatid nila sa liham na ipapadala sa Japan B. League.

Nauna nang sinabi ng NLEX na bilang mi-yembro ng Asia’s oldest professional league na bagama’t suportado sana nila si Ravena ay kailangan nilang sumunod sa panuntunan ng liga at obligadong tsundin ang kontrata sa ilalim ng UPC.