VisMin Super Cup-Mindanao OK na
MANILA, Philippines — Puwede nang lumarga ang Mindanao leg ng Chooks-to-Go Pilipinas VisMin Super Cup matapos ang go-signal ng Games and Amusements Board (GAB).
Nakatakda itong magsimula sa Mayo 30 sa host city na iaanunsiyo ng VisMin Super Cup ngayong linggo, mula sa original na opener na Mayo 20 sa Dipolog.
Noong nakaraang buwan ay sinuspinde muna ng GAB ang opening ng Mindanao leg habang nasa ilalim pa ng review ang katatapos lang na Visayas leg bunsod ng imbestigasyon sa alegasyon ng game-fixing na kinansangkutan ng Siquijor at Lapu-Lapu.
Nasibak na sa liga ang Siquijor buhat noon habang nasuspinde naman ang ilang players at coaches ng Lapu-Lapu. “The holding of Mindanao Leg, which will strictly adhere to the ‘No License, No Play’ po-licy, is conditioned on the submission of the regulatory requirements, such as health screening, drug testing, and related documents, as well as on continuing adherence to protocols and strict supervision of the games,” ani GAB chairman Baham Mitra.
- Latest
