Pamatid uhaw
Salamat sa internet at wires, kahit papaano eh napapatid ang uhaw ng mga Pinoy sa basketball.
Diretso ang bakbakan sa NBA na patuloy na pinangungunahan ng Utah Jazz kasama si Fil-Am ace Jordan Clarkson.
At mainit na mainit ang March Madness na magtatapos na sa pamamagitan ng exciting na finale sa pagitan ng Gonzaga at Baylor.
Malupet ang escape win ng Gonzaga kontra sa UCLA sa kanilang Final Four matchup – 93-90 overtime win na nahugot sa pamamagitan ng malayong buzzer-beater ni Zags rookie Jalen Suggs.
Sa Pinas, nahinto ang pamamayagpag ng Ateneo Blue Eagles at San Beda Red Lions sa UAAP at NCAA dahil sa pesteng infectious virus.
At walang kasiguruhan kung kailan makababalik ang collegiate basketball dahil wala rin kasiguruhan kung kailan huhupa ang pandemya.
Kahit nga ang PBA eh nabalahong muli dahil sa panunumbalik ng malakas na COVID surge.
Tinarget nila ang April 11 para sa pagsisimula ng kanilang Season 46. Dahil sa muling paghihigpit ng quarantine, nadiskaril ang kalendaryo, at walang kasiguruhan kung kailan muling uusad.
Araguy!
- Latest