Cone bilib din kay Robinson

MANILA, Philippines — Para kay Barangay Ginebra coach Tim Cone, nararapat ding matanghal na ‘Outstanding Coach of the Bubble’ si Phoenix mentor Topex Robinson sa katatapos lang na 2-in-1 2019 and 2020 PBA Press Corps Awards Night.

Wagi si Cone sa parangal matapos gabayan ang Gin Kings sa makasaysayang Philippine Cup champion sa bubble sa Clark, Pampanga ngunit nais niyang i-share ang award kay Robinson.

“He did such a tremendous job in the bubble, coaching. I just want to acknowledge him, and share this award with him, and that is Topex Robinson,” ani Cone sa Anuual Wards Night na ginanap online sa unang pagkakataon. “Topex did a tremendous job with his team as well. Topex, this one is for you as well. All the best.”

Sa kanyang unang taon sa bilang bagong head coach ng koponan ay muntikan nang madala ni Robinson ang bagitong Fuel Masters sa All-Filipino Conference Finals.

Minanduhan ni Ro-binson sa 8-3 baraha ang Phoenix para sa ikala-wang puwesto sa elimination round sa likod ng Ginebra subalit kinapos lang kontra sa runner-up na TNT sa semifinals, 2-3.

Bukod kay Robinson, inaalay ni Cone sa lahat ng coaches, players, teams at opisyal ang parangal bilang bahagi ng pambihirang karanasan sa bubble.

Pinarangalan din sa seremonya sina Commissioner Willie Marcial (Mr. Executive), Justin Chua (Top Bubble D-Fender), RJ Jazul (Mr. Quality Mi-nutes) at CJ Perez (Scoring Champion).

Binanderahan naman nina Leo Austria (Coach of the Year), Sean Anthony (Defensive Player of the Year) at Ricky Vargas (Executive of the Year) ang mga awardees ng nakanselang 2019 PBAPC Awards Night bunsod ng pandemya.