Brady bida sa pagkopo ng Tampa Bay ng NFL title
TAMPA, Fla. — Bumato si Tom Brady ng tatlong touchdowns para banderahan ang Tampa Bay Buccaneers sa 31-9 pagdomina sa Kansas City Chiefs at angkinin ang Super Bowl para sa record na pang-pitong NFL championship ring ng 43-anyos na quarterback.
“I am so proud of all the guys out here,” sabi ni Brady. “Everything we dealt with all year, we had a rough month of November but BA (head coach Bruce Arians) had all the confidence in us, the team had a lot of confidence and we came together at the right time.”
Hinirang din si Brady bilang Most Valuable Player sa pang-limang pagkakataon sa mapaghamong season ng NFL na naapektuhan din ng COVID-19 pandemic.
Isa si Manny Pacquiao sa mga pumuri sa husay ni Brady na tinawag niyang “sports’ GOAT (greatest of all time)” sa kanyang post sa Twitter.
Matibay na depensa ang ipinalasap ng Buccaneers laban kay star quarterback Patrick Mahomes at sa Chiefs para biguin ang Kasas City na maidepensa ang kanilang Super Bowl title.
Ang Grammy Award-winning artist na si The Weeknd ang itinampok sa Super Bowl halftime show kung saan niya kinanta ang “House of Balloons/Glass Table Girls” at lumakad sa football field kasama ang kanyang mga look-alikes sa harap ng limited capacity crowd.
- Latest
