Pagkilala sa husay ni Kelly Williams

MANILA, Philippines — Matapos inanunsyo ni Kelly Williams ang pagreretiro sa PBA kamaka-lawa, kabi-kabilang tribute ang ibinigay sa kanya ng mga kasamahan niya sa pro-league.

Ipinaalam ng 38-anyos na si ‘Machine Gun Kelly’ ang kanyang retirement sa kanyang mga social media account matapos ang 14 seasons sa liga.

Nanguna si Jimmy Alapag sa pagbati sa dating kakampi. “Congrats brother on an incredible career!! Thankful we had a chance to go to the battle together in the PBA and the National team. Picked up some rings along the way too.”

Naging magkakampi sina Alapag at Williams noong 2010 nang ma-trade ang huli mula sa Sta. Lucia Realtors na ­unang tumapik sa kanyang serbisyo noong 2006 PBA Rookie Draft at magkasama rin nilang kinatawan ang Pilipinas sa mga international competitions.

Binati rin ang one-time PBA MVP  na si Williams ng dati niyang coach sa TNT at Nationals na si Chot Reyes,  “Congratulations, Kelly! You’re right, neither of us knew on that day on 2005, what a great career you would have. But I was sure of one thing - I had to bring you to the [Philippines].”

Sinabi rin ni Reyes na lagi siyang nandiyan para kay Williams kahit hindi na ito naglalaro.

Nagbigay din ng pagpupugay ang ilan pang mga basketbolista na nakasama at nakalaro niya sa halos 15 taon niyang karera bilang isang professional baller gaya nina Gabe Norwood, Jared Dillinger, Sol Mercadod, Terrence Romeo, at Chris Newsome.