HD Spikers, Cargo Movers humataw ng panalo sa PSL

MANILA, Philippines – Kapwa nagpakitang-gi­las ang Cignal HD Spi­kers at F2 Logistics Cargo Movers nang magbulsa ng panalo sa Philippine Superliga (PSL) Grand Prix kahapon sa Bacoor Strike Gymnasium sa Bacoor, Ca­vite.

Ipinalasap ng HD Spi­kers ang ikalawang sunod na kabiguan ng Generika-Ayala Lifesavers, 19-25, 25-18, 25-20, 25-20, para sa magarbong umpisahan ang kanilang kampanya sa liga.

Ipinarada ng Cignal si Cuban reinforcement Lian­nes Simon na nagtala ng 29 points sa likod ng 24 attacks, 3 kill blocks at 2 aces, habang may sahog na 14 markers si setter Alo­hi Robins-Hardy.

Nakatuwang din ng tropa sina middle bloc­kers Roselyn Doria at Ran­ya Musa na may 7 at 6 points, ayon sa pagka­ka­sunod.

Minanduhan ng HD Spi­kers ang blocking department kung saan nagposte sila ng 9 kill block kumpara sa 5 ng Lifesa­vers, habang kumubra pa si­la ng 50 attack kills kon­tra sa 45 na itinala ng Generika-Ayala.

Samantala, pinalubog naman sa putik ng Cargo Movers ang PLDT Home Fibr Hitters, 25-21, 25-15, 25-13, sa pangunguna ni­na import Lind­say Stalzer at Fil-Am Kalei Mau.

Nagkuntsabahan sina Stalzer at Mau para ban­de­­rahan ang opensa ng tro­­pa.

Nagtapos na may 22 points si Stalzer mula sa 19 attacks, 2 aces at 1 block, habang naglista si Mau ng 14 markers.

Kapwa lumubog sa 0-2 record ang Generika-Aya­la at PLDT.