Johnson, Rike umatras sa PBA Draft

MANILA, Philippines — Kumambyo sina Fran­ky Johnson at Troy Rike para sa pa­parating na 2019 PBA Rookie Draft.

Humantong ang dalawang top pro-league pros­pects sa naturang de­sisyon para mailaan ang kanilang atensyon sa pagtulong sa hangarin ng Pilipinas na ma­kabalik sa Olympics.

Regular na manlala­ro ng 3x3 team sina Johnson at Rike at malaking ba­hagi ng Chooks-to-Go Pi­lipinas 3x3 League na naging daan ng bansa pa­ra makapasok sa Top 20 na sasalang sa 2020 FIBA 3x3 Olympic Qualifying Tournament.

Nasa kunsiderasyon si­na Rike at Johnson sa fi­nal line-up na ipapadala sa Marso sa 2020 sa India kung saan tatlo mula sa 20 qualified teams ang mabibigyan ng tiket papunta sa 2020 Tokyo Olympics sa Hulyo na gaganapin sa Tokyo, Japan.

Nakatakda silang mag­laro sa ikalawang season ng Chooks-to-Go Pilipinas 3x3 League sa Enero bilang paghahanda para sa Olympic qualifiers.

Ang dalawa sa sigura­do nang manlalaro sa 3x3 ros­ter ay sina Joshua Mun­zon at Alvin Pasaol na No. 1 at No. 2 ranked 3x3 player sa bansa, ayon sa pagkakasunod.

Nauna nang nagpasa ng kanilang aplikasyon sa PBA Draft noong naka­raang lingo sina Rike at Johnson para makahabol sa deadline sa hanay ng mga Fil-Foreigners.

Bagama’t umatras ay ina­asahang sasali ang da­la­wa sa 2020 PBA Draft.