Tigresses, Lady Falcons nakapuwersa ng Game 3
MANILA, Philippines — Kapwa nakapuwersa ng do-or-die Game 3 ang UST Golden Tigresses at Adamson Lady Falcons matapos pabagsakin ang kani-kanilang katunggali sa Game 2 ng best-of-three of semifinals series ng Premier Volleyball League (PVL) Season 3 Collegiate Conference kahapon sa The Arena sa San Juan City.
Pinadapa ng UST ang Ateneo Lady Eagles sa apat na sets, 24-26, 25-18, 25-17, 25-17 habang natakasan naman ng Adamson ang determinadong College of Saint Benilde Lady Blazers, 25-12, 21-25, 25-22, 19-25, 15-11.
Balanseng opensa ang naging susi ng España-based squad para bawian ang Ateneo sa pangu-nguna nina Janna Torres, Imee Hernandez at Eya Laure na tumipak ng 14, 12 at 10 puntos, ayon sa pagkakasunod.
Sinamantala rin ng Golden Tigresses ang 32 unforced errors na itinala ng Lady Eagles at nagawa nilang mapigilan ang muling pag-init ni Faith Nisperos na nagrehistro lamang 12 marka para sa kanyang tropa.
Nagparamdam din sina Rizza Cruz at Lucille Almonte na may tig-12 puntos habang may 11 markang ambag si Lorene Toring para pigilan ang muling pagbulusok ni Klarisa Abriam na na-ging tinik sa kanila noong Game 1.
- Latest
