Davao Occidental nanatili sa liderato
Bacolod City, Philippines — Hindi man naitala ni Mark Yee ang kanyang double-double ay natulungan naman niya ang Davao Occidental Tigers na gibain ang Basilan Steel, 76-71 sa Maharlika Pilipinas Basketball League kamakalawa ng gabi dito sa University of St. La Salle Gym.
Nagtala si Yee ng game-high 22 points at 5 rebounds para sa ika-13 panalo ng Tigers sa 15 asignatura at napanati-ling tangan ang top spot sa South division ng 31-team league na itinatag ni Senator Manny Pacquiao.
Nakahugot si Yee, kumamada ng MPBL best 29 double-double performances ng suporta mula kina Emman Calo, Chester Saldua at Yvan Ludovice na tumipa ng 13, 10 at 8 markers, ayon sa pagkakasunod.
Iniwanan ng Tigers ang Steel sa 57-43 at ipinalasap ang ikaanim na kabiguan sa 15 laro.
Samantala, sumandal naman ang Bacolod Master Sardines kina local icon Paolo Javelona at Cebuano star Mark Tallo para paluhurin ang Soccsksargen Marlins, 89-80 at itaas ang kanilang baraha sa 6-8.
- Latest
