Cignal, F2 logistics magkakasubukan

MANILA, Philippines — Kapwa pakay ng Cignal HD at F2 Logistics na tapusin ang elimination round na bitbit ang pa­na­lo.

Susubukan ng HD Spi­kers na masundan ang panalo nito, habang ba­ba­­wi naman ang Cargo Mo­­vers sa dalawang sunod na kabiguan sa 2019 Philippine Superliga All-Fi­lipino Con­ference sa Ma­­lolos Sports Convention & Cen­ter.

Magtutuos ang Cignal at F2 Logistics nga­­­yong alas-7 ng gabi.

Galing sa five-set  win ang HD Spikers kontra sa PLDT Home Fibr Power Hitters, 23-25, 25-20, 25-15, 23-25, 15-9, kung saan rumehistro ang tropa ng season-high na 27 blocks.

“Ngayon ay nagkaro­on kami ng proof na ma­­galing pala tayong magblock. Na-discover na­min si­ya, mas lalo na­min si­yang ipo-focus kasi naki­ta namin na effective,” sabi team captain Rachel Ann Daquis na pumoste ng pitong blocks.

Mamanduhang muli ni Daquis ang Cignal ka­tuwang sina Jovelyn Gon­zaga, Alohi Robins-Har­dy, Mylene Paat, Rose­lyn Doria, Ranya Mu­­sa at Jheck Dionela.

Samantala, tutuldukan naman ng Cargo Movers ang two-game lo­sing skid para patibayin ang kapit No. 1 spot sa team standings.

Nalasap ng F2 Logistics ang ikalawang sunod na pagkatalo sa kamay ng PLDT, 21-25, 28-26, 25-15, 19-25, 11-25, noong Sa­bado sa Cagayan de Oro City.

Muling sasandal ang Cargo Movers kina Fil-Am Kaleu Mau, Ara Ga­lang, Kianna Kim Dy, De­­siree Cheng, Kim Dy, Majoy Baron at Dawn Ma­­candili.

Kung mapapanatii ng F2 Logistics ang No. 2 spot ay makakalaban nila sa knockout quarterfinals ang No. 7 Sta. Lucia, habang ang No. 4 Cignal ay makakabangga ang No. 5 Foton.

Maglalaban naman ang Foton at Ma­rinerang Pi­lipina, puntirya ang unang panalo, sa alas-4:15 ng hapon.