Draymond Green ilalaban ang Golden State sa finals

OAKLAND, California -- Sa pagpasok ng offseason ay nangako si Draymond Green na muling lalaban ang Golden State Warriors sa NBA Finals.

At hindi nagbabago ang kanyang opinyon.

Nakipagkasundo si Green sa Warriors na pirmahan ang four-year extension na nagkakahalaga ng halos $100 milyon.

Magsisimula ang bagong kontrata ni Green sa 2020-21 season at magtatagal hanggang 2023-24.

Nauna nang pumir-ma si Klay Thompson ng isang five-year, $190 million extension para sa Golden State noong nakaraang buwan habang si Stephen Curry ay may kontrata pa hanggang 2021-22 season.

Para makabangon mula sa kabiguan sa Toronto Raptors noong nakaraang NBA Finals ay kinuha ng Warriors si All-Star guard D’Angelo Russell matapos lumipat si two-time NBA Finals MVP Kevin Durant sa Brooklyn Nets.

Wala na din sa tropa ng Golden State sina Andre Iguodala, DeMarcus Cousins at Shaun Livingston.

Kaya naman ibang Warriors, five-time defending Western Conference champions, ang matutung-hayan sa darating na season.

Maglalaro rin ang Golden State sa bagong Chase Center sa San Francisco mula sa Oracle Arena.

“Our core — myself, Klay, Draymond, adding D’Angelo and a lot of hungry, young guys trying to prove themselves in the league — it will look different in terms of the lineups and things like that,” sabi ni Curry noong nakaraang buwan. “But the expectations of how we play and that cham-pionship-caliber basketball, that’s going to be for us always be the motivation and the challenge.”

Sa nakaraang limang seasons ay nagposte ang Warriors ng kabuuang 399 wins.