Roach May babala kay Thurman

MANILA, Philippines — Delikado para kay Keith Thurman kung balak nitong makipagsabayan kay reigning World Boxing Association (WBA) regular welterweight champion Manny Pacquiao sa kanilang unification bout sa Hul-yo 20 (Hulyo 21 sa Maynila) sa MGM Grand Garden Arena sa Las Vegas, Nevada.

Ito ang warning ni Hall of Famer Freddie Roach kay Thurman.

Malaki ang posibilidad na makuha ang knockout win kung sasabayan ni Thurman ang galaw ni Pacquiao.

Ayon kay Roach, solido ang porma ni Pacquiao na resulta ng puspusang training nito sa nakalipas na isang buwan. “Manny is in great shape right now and if Thurman wants to trade with us, he will get knocked out,” aniya.

Nasa perpektong kondisyon na si Pacquiao. Kitang-kita na ang bilis at lakas nito sa kanyang training session sa Wild Card Gym sa Los Angeles, California.

Kuntento ito sa naging magandang kinahinatnan ng kanyang pagpupursige sa ensayo.

“We focused on footwork, speed, like when we were young, in the early days, they showed it to me, my speed, my head movement, footwork, I’m very happy, but it’s all about training and I think we’re very satisfied,” wika ni Pacquiao.

Tinukoy ni Pacquiao ang counter punches na isa sa magiging malaking bentahe nito laban kay Thurman.

Tinutukan ito ng husto ng coaching staff upang mas maging mabagsik ang porma ng eight-division world champion.

 “We have a strategy of counter punches because the way he throw punches is wide, wide punches is good for me to counter,” ani Pacquiao.

Ilang running sessions at workout na lamang ang gagawin ni Pacquiao sa Los Angeles bago tumulak sa Las Vegas sa Hulyo 15 (Hulyo 16 sa Maynila) para doon ipagpatuloy ang huling bahagi ng training ng Pinoy champion.