Raptors umeskapo sa Bucks sa double OT
TORONTO - Naiwasan ng Raptors na mahulog sa 0-3 butas nang makuha ang series-saving win laban sa Milwaukee Bucks.
Nagpasabog si Kawhi Leonard ng 36 points, kasama ang walo sa second overtime, para pamunuan ang Toronto sa 118-112 tagumpay laban sa Milwaukee sa Game Three ng NBA Eastern Conference Finals.
Dinala ni Leonard, umiskor ng 19 points sa fourth quarter, sa kanyang mga balikat ang Raptors matapos ma-foul out sina guards Kyle Lowry at Norman Powell.
Nagtala din ang star forward ng 9 rebounds at 5 assists sa loob ng 52 minutong paglalaro bagama’t may leg injury.
“First of all, his defense was probably the biggest key of the game,” wika ni Toronto head coach Nick Nurse kay Leonard. “Not only did he just play good, but he made some huge plays with some steals, ripaways and breakaways. He was good. It was a lot of minutes but I think he’s okay.”
Kumolekta naman si Raptors forward Pascal Siakam ng 25 points at 11 rebounds, habang may 16 markers si center Marc Gasol mula sa kanyang 4-of-8 shooting sa three-point range bukod pa ang 12 boards at 7 assists.
Tumapos si Powell na may 19 points, 4 rebounds at 3 assists at naglista si Lowry ng 11 markers, 5 assists at 4 rebounds.
Nalimitahan si Bucks star forward Giannis Antetokounmpo sa 12 points mula sa 5-of-16 fieldgoal shooting, ngunit humakot ng 23 rebounds at 7 assists bago na-foul out sa huling 4:24 minuto sa second overtime.
Sina reserve guards George Hill at Malcolm Brogdon ay nagposte ng pinagsamang 44 points mula sa bench para sa opensa ng Milwaukee.
“I feel like we gave ourselves several chances,” sabi ni Bucks coach Mike Budenholzer. “We weren’t able to get over the hump.”
“When you have opportunities you’ve got to make them and we didn’t quite make enough of our good ones. I think we’ll be better in Game Four, Giannis, everybody,” dagdag pa nito.
Nakuha ng Milwaukee ang 105-103 abante, ngunit binanderahan ni Leonard ang atake ng Toronto para sa kanilang 112-109 kalamangan.
Ang kanyang driving bank shot ang naglayo sa Raptors sa 114-110 sa nalalabing 32.4 segundo ng laro.
Marami ang nag-aalala na may iniindang injury si Leonard.
“This is playoff basketball,” pahayag ni Leonard. “Everybody’s hurting, you just have to keep fighting.”
- Latest