Blaze Spikers inangkin ang unang semis seat

MANILA, Philippines — Walang makapigil sa nagdedepensang Petron nang pulbusin ang Sta. Lucia Realty, 25-17, 25-11, 25-18, para masungkit ang unang silya sa semifinal round ng 2019 Philippine Superliga Grand Prix kahapon sa The Arena sa San Juan City.

Halimaw na naman si­na American imports Katherin Bell at Stephanie Niemer para pamunuan ang ratsada ng Blaze Spikers na naikonekta ang ika-15 sunod na panalo.

Bumanat si Bell ng 19 points at naglista si Nie­mer ng 16 mar­kers galing sa 14 attacks, 1 block at 1 ace.

“A win is a win and we like winning so it’s good, I don’t hink it was our cleanest match but we will take it. We got some stuff to work on to im­prove from this match. Our passing struggled a little bit, we’re more crisped that normally,” wi­ka ni Niemer.

Inilabas ng Blaze Spi­kers ang bangis sa attack line matapos maglista ng 46 kills laban sa 20 lamang ng Lady Realtors.

Tanging si American wing spiker Casey Schoenlein lamang ang nag­sumite ng double di­gits para sa Lady Realtors nang makapaglista ng 11 hits mula sa 9 attacks at 2 blocks.

Makakasagupa ng Pe­tron ang magwawagi sa pagitan ng Cignal at Uni­ted Volleyball Club sa quarterfinal sa Mar­tes.

Sa kabila ng matikas na panalo ay walang pu­wang ang pagiging kum­piyansa para kay Niemer na nais pa ring mas ma­ging pulido ang kanilang laro partikular na sa se­mis na mas krusyal na es­tado ng kumperensiya.

“Personally I can im­prove more on better attacks, smart choices. Overall I think our ser­ving were strong and that’s one of our assets and I think we can work on our serve receive and communication,” dagdag pa ni Niemer.