SEAG venues sa Tarlac lagpas kalahati na
MANILA, Philippines — Nangako ang developer na MTD Philippines at project partner na Bases Conversion and Development Authority (BCDA) na tatapusin nila ang mga pasilidad na itinatayo para sa 30th Southeast Asian Games dalawang buwan bago ang pagtatanghal ng biennial meet sa Nov. 30 hanggang Dec. 11.
“Internally sa amin August 31 for everything, including the athletes’ housing and government residences. And our deliverable natin sa BCDA at October 30, so may safety net na two months,” MTD Philippines Project Director Rear Adm. Miguel Rodriguez sa special na Philippine Sportswriters Association (PSA) Forum held sa Mimosa sa Clark noong Martes. “We’re very confident na matatapos ito and deliver a world-class facility for the Filipino people.”
Siyam na buwan bago ang SEA Games, 53% na ang natatapos sa modernong 20,000-seater Atletics Stadium Athletes Village, Aquatics Center at 1.4 kilometer park na bahagi ng Phase 1A ng New Clark City Government Administrative Center (NGAC).
Kasama ni David na humarap sa media si Arrey Perez, BCDA vice president for business development and Deputy Director General of the Philippine Southeast Asian Games Organizing Committee (PHISGOC) na nagbigay ng kasiguruhan na matatapos ang lahat ng construction kahit na lumiit sa P5.5 bilyon ang budget mula sa dating P7.5 bilyon.
“Sigurado yan na makakapag-host po tayo ng SEA Games,” sabi ng PHISGOC officer na nilinaw na ang budget para sa mga itinatayong pasilidad ay manggagaling sa mga investors at hindi sa budget para sa SEA Games.
Ang naturang venue ang magiging Main Hub para sa 12-araw na kompetisyon.
Sa 56 sports maglalaban-laban ang tinatayang 10,000 athletes mula sa 11-bansa. (MAE BALBUENA)
- Latest