Alyssa nanguna sa Phl team tryout

MANILA, Philippines – Mahigit 30 manlalaro sa pangunguna ni three-time UAAP MVP Alyssa Valdez ang dumating sa tryout para sa bubuuing national team na isasabak sa iba’t ibang malalaking torneo sa taong ito.

Nasilayan din si team captain Aby Maraño kasama sina Majoy Baron, Dawn Macandili, Denden Lazaro, Mika Reyes, Risa Sato, Jema Galanza, My-lene Paat, Kim Kianna Dy, Kim Fajardo, Aiza Maizo-Pontillas, Ces Molina at Cha Cruz-Behag.

Hindi sumali sa spiking sessions na ginanap sa Arellano University gymnasium sa Legarda, Manila sina Dy, Fajardo, Maizo-Pontillas at Molina dahil sa kani-kanyang iniindang injury.

Dumating din sina Jerrili Malabanan, Jannine Navarro, Ria Meneses, Remy Palma, Kalei Mau, Kath Arado, Kyla Atienza, Ria Duremdes, Justine Jazareno, Bernadett Pepito, Eya Laure, Mary Ann Mendrez, Judith Abil, Angel Anne Canino, Alleiah Malaluan, Celine Domingo, Alexis Ciara Miner, Lyann De Guzman, Imee Hernandez, Janna Torres, Camille Victoria, Angel Cayuna, Bang Pineda at Tanya Narciso.

Hindi naman dumating sa tryout si outside hitter Myla Pablo na kasalukuyan pang sumasailalim sa therapy session sa kanyang back injury at kasalukuyang nagluluksa dahil sa pagkamatay ng kanyang kaanak kamakailan.

Hindi lamang ang seniors team ang bubuuin ng Larong Volleyball sa Pilipinas Inc. dahil kukuha rin ang asosasyon ng mga manlalarong isasabak sa Under-23 tournaments.

Nais ng LVPI na mabalik sa Top 3 ang Pilipinas sa women’s volleyball ng Southeast Asian Games lalo pa’t sa Pilipinas idaraos ang naturang biennial meet.

Huling nagkamedalya ang Pilipinas sa SEA Games noong 2005 nang ganapin sa bansa ang torneo.