Nagpasiklab agad ang Caida Tile Masters
Laro sa LuNES (Ynares Sports Arena, Pasig)
2 p.m. CafeFrance vs Mindanao Aguilas
4 p.m. Phoenix Petroleum vs Wangs Basketball
MANILA, Philippines – Nagpasiklab agad ang Caida sa debut game sa 2016 PBA D-League Aspirants’ Cup nang kanilang pabagsakin ang Tanduay, 90-79 sa pagbubukas ng liga sa The Arena sa San Juan City.
Humakot si Jiovani Jalalon ng 17 puntos kasama ang siyam na assists at limang rebounds habang may tig-16 sina Chris Javier at Billy Robles sa buwenamanong panalo ng Tile Masters.
“It’s nice to win the first game. Nag-a-adjust pa yung players, and I think the players have to work more on their defense. We just hope that we continue our run in the coming games,” ani Tile Masters coach Caloy Garcia.
Pinangunahan ni Ryan Wetherell ang Tanduay sa kanyang 21 puntos, walong rebounds at anim na assists samantalang may tig-11 sina Pari Llagas at Joseph Eriobu para sa talunang Tanduay.
Sa ikalawang laro, nagtala rin ng buwenamanong panalo ang University of the Philippines QRS/JAM Liner matapos igupo ang BDO-National University, 90-85.
Bumida para sa UP QRS/JAM Liner si Paul Desiderio na humakot ng 24 puntos katuwang si Raymond Aguilar na naglista ng 18 puntos tampok ang 3-of-3 shooting clip sa three-point area, kasama pa ang 13 rebounds.
CAIDA 90 - Jalalon 17, Javier 16, Robles 14, Cabrera 9, Terso 7, Maiquez 6, Perkins 6, Lozada 4, Ruaya 4, Grey 3, Gabawan 2, Pasculado 2.
Tanduay 79 - Wetherell 21, Eriobu 11, Llagas 11, Celda 9, Lingganay 8, Pessumal 6, Gotladera 4, Javillonar 3, Tagarda 3, Santos 2, Cenal 1, Belencion 0.
Quarterscores: 28-23, 50-46, 64-62, 90-79.
UP QRS/JAM Liner 90 - Desiderio 24, Aguilar 18, Baloria 16, Alolino 11, Ferrer 8, Batino 6, Soyud 5, Moralde 2, Asilum 0, Dario 0, Harris 0, Neypes 0, Vito 0.
BDO-NU 85 - Alejandro 21, Javelona 13, Aroga 10, Roño 10, Tansingco 10, Salem 8, Labingisa 4, Perez 4, Salim 3, Diputado 2, Yu 0.
Quarterscores: 15-23, 38-43, 66-63, 90-85.
- Latest
